Хави хўжайинлардан қиммат ўйинчи олиб келишни талаб қиляпти

“Барселона” бош мураббийи Хави Эрнандес жамоани қимматбаҳо ўйинчилар билан кучайтириш кераклигини таъкидламоқда.

Испаниялик мутахассис ёзда “Реал Сосьедад” ярим ҳимоячиси Мартин Субимендини олиб беришни талаб қилмоқда.

Субимендининг трансферини амалга ошириш учун клуб 60 миллион евро миқдорида пул сарфлаши керак. Бироқ “Барселона”нинг молиявий аҳволи бунга имкон бермайди.

Хавининг ўзи бу ўйинчига жиддий қизиқиш билдиряпти ва бир неча маротаба унга шахсан боғланиб, жамоасига таклиф қилган.

Мартин Субимендига Англия ва Германиядан чорловлар бўляпти. Бироқ ярим ҳимоячи “Барселона”га ўтишга мойил ва каталонияликлардан “Реал Сосьедад” билан келишиб олишни сўраган.