ЕЧЛ. 4-турда ўйнаган топ жамоаларнинг беллашувларидан фотомақола!
Европа Чемпионлар Лигасининг 4-турида бир қатор қизиқарли ўйинлар бўлиб ўтди. Супер камбэклар, "Челси"нинг "Аякс"дан учраётган 1:4 ҳисобини йўққа чиқариши-ю кутилмаган сенсациялар ва йирик ҳисобдаги ғалабалар. Яна айрим жамоалар плей-офф масаласини ҳал қилган бўлса, бошқа клублар гуруҳдан чиқа олмаслиги маълум бўлди. Биз 4-турдан олинган энг сара суратлар орқали фотомақола ишладик.
Миньоле дарвозасига Икарди томонидан киритилган ягона гол ПСЖга ғалаба учун етарли бўлди
Кейлор Навас турнинг энг яхши дарвозабони бўлди
Балки "Интер" Икардини қўйиб юборгани хатоси бўлгандур!
"Реал" ҳам бундай хатога эга!
Бу болакайнинг бенефисига айланган учрашувни кўрдингизми?
Шу куни, "Реал"нинг юлдузлари ўзларига ўхшашди
Варандан тўп ўтиб кетса ҳам, турклар гол уришни уддасидан чиқа олишмади
Рамос ҳам гол урди! Голни нишонлашига қаранг! Балки Роналдуни соғингандур?
"Црвена Звезда" мухлислари инглиз клубини мағлуб этишдан умидвор бўлишганди
Андре Гомешга оғир жароҳат етказганидан кейин, Сонга маҳсус психолог тайёрлашган эди
"Соналду" шу куни тиниб-тинчимади ва ақлан соғ эканлигини кўрсатиб берди
Эътибор беринг, 3 та ҳимоячи шунчаки томошабин вазифасини бажаришмоқда!
Кореялик футболчини "Тоттенхэм" мухлислари бекорга яхши кўришмайди
Нойер терма жамоадаги ўрнини тер Штегенга беришни истамаяпти. Тўпни ҳам...
Голлар уришда оқсаётган Мюллер наҳотки қариб қолган бўлса?
"Олимпиакос" дарвозабонининг Нойердан кам жойи йўқ эканлигини исботлашга уринаётган вазиятлардан бири
Қоқилиб, суқилиб бўлса ҳам Левандовски барибир ўз мақсадига эришди
Изоҳ ўзингиздан...
"Ман Сити" қанча уринмасин, "Аталанта" таслим бўлишни истамади
Гвардиола ҳам нима қилишни билмай қолди
Агуэронинг ўйинга қўшилгани ҳам фойда бермаётган эди
Агуэродан умид қилган Гвардиолада бироз бўлса ҳам ишонч пайдо бўла бошлаганди
"Ўлган устига тепгандай" Эдуардо қизил карточка ишлаб, барчасини расво қилди
Қаҳрамон Уолкэр! Ушбу ҳимоячининг дарвозабонлик қобилияти борлигини ҳеч ким билмаган эди
Стерлинг учун бу жуда ажойиб воқеа эди
Леверкузенда сенсация рўй берди!
Шу куни, мадридликлар бошни ушлашдан бошқа чора тополишмади
Симеоне ҳам бундан мустасно эмас!
"Атлетико" футболчилари доимгидек мураббийлари каби ўзларини жиззаки тутишди
Мадридликлар учун бу одатий ҳолат!
Симеоненинг кўрсатмалари Леверкузенда ишламади
Бу "профессор" босиқлик билан Симеоненинг жамоасини таслим этиш йўлларини ишга сола билди
И-йее! Ҳа, бу Гильерме. Руслар ишонган дарвозабон!
Роналдунинг тайёр голини Рэмзи ўзлаштириб олгани кўпчиликнинг эътиборини Гильерменинг хато қилганидан чалғитди
Москваликлар ҳам ўз вақтида гол уришганди. Фотога эса "гап йўқ"!
Руслар Роналдуни қийин аҳволда қолдиришди
Нафақат Роналду, балки бутун бошли "Ювентус" футболчилари шу куни яккакурашларда анчагина тер тўкишга мажбур бўлишди
Португалиялик юлдузнинг қийинчиликка учраганини ушбу суратдан ҳам билиб олса бўлади
Бундай ўйинларда Роналдуни алмаштиришга ҳеч қайси мураббий журъат қилолмаган! Аммо "қайсар" Сарри ўзи билганидан қолмади ва Криштианунинг очиқдан-очиқ норозичилигига сабаб бўлди
"Ман Сити"да Уолкэр қаҳрамонлик қилган бўлса, "Ювентус"да Дуглас Коста. Учрашувнинг сўнгги дақиқаларида "Локомотив" ҳимоясини осонлик билан ёриб кирди ва беллашувга нуқта қўйди!
"Миссия" бажарилди! Сариқ кўрсатадими ёки бошқасими, энди фарқи йўқ. Либосини улоқтириб юбораверадида, ахир қаҳрамон-ку!
Қизиқ! Ҳолланд грандларга яна қанча гол урмоқчи экан?
Эмоцияни қаранг!
Голлар ураётгани етмагандай, яна афсусланишни ҳам билади
Инсиньенинг ҳаракатлари ҳам "Наполи"га ғалаба келтиролмади
Балки, Купер каби Анчелоттининг ҳам услублари эскиргандур!
Мертенснинг ўйинларини кўрмаганингизга анча бўлгандир?
Ҳа, топдингиз! Бу ўша Кальехон
Муҳаммад Салоҳ "Кунг-Фу Панда" ижросида!
Бор ғуборни еғиб, бир зарб билан чиқариш! Окслейд-Чемберлейн голни шундай нишонлаяпти!
Яна бир бор томоша қилинг!
Чиройли фото! Шундай эмасми?
Александр-Арнолд ижросида яна битта чиройли сурат!
Тинимсиз голлар ураётган Лаутаро Мартинес тўп учун курашмоқда!
Ва ютқазиб қўйди
Яна бир бор курашиб кўрди ва яна ютқазди
Лаутаро таслим бўлишни истамади ва ниҳоят яккакурашда устун келди
Охир-оқибат йиқилиб ҳам тушди
Энди уни тажрибали Ҳуммельс тинчлантиришга уринмоқда!
Футболчиларнинг орасида ҳам яккакураш спорт турларига қизиқадиганлари бор
Битта Месси эмас, бутун "Барселона" жамоаси ҳаракат қилганида, балки ғалабага эришиш мумкин эди
Қора мушук балки Месси билан суратга тушишни истаган бўлса керак
Юқорида "Атлетико" футболчилари бошни ушлаб олганлари ёдингиздами? Гризманн ҳам "Атлетико"дан келганини яхши биласиз
Қизиқ! Гризманн бу одатни Пикега ҳам ўргатганмикан?
Бунисига нима дейсиз?
Йўқ! Мессининг услуби бошқача
Мана шундай!
4-турнинг энг супер ўйини Англияда бўлиб ўтди
"Аякс" голлар ура бошлади
Бу голлар олдида Кепа ожиз эди
Кетма-кет голлар ўтказишда давом этди
Кейин эса, ғойибдан хакам "Челси"нинг "қаҳрамони"га айланди
Бир вақтнинг ўзида "Аякс"нинг 2 та футболчисини четлатиб юборди
Шундан сўнг, "Челси" ҳам голлар урди
Супер тўқнашув ана шундай якун топди.
Фикрлар