"Барселона"нинг собиқ президенти: Мбаппе аллақачон "Реал" билан шартнома имзолаган

"Барселона"нинг собиқ президенти Жоан Гаспар ПСЖ ҳужумчиси Килиан Мбаппенинг "Реал"га ўтиши ҳақидаги "эксклюзив" маълумотлари билан ўртоқлашди.

"Мен сизга эксклюзив маълумот бераман. Килиан Мбаппе аллақачон "Реал" билан шартнома имзолаган, бунга ишончим комил. Мен Флорентино Пересни биламан ва бу маълумотларга тўлиқ ишонаман", - деди Гаспар.

Аввалроқ Bild Мбаппе "Реал" билан келишувга эришгани ва франциялик футболчи ёзда эркин агент сифатида Мадрид клубига кўчиб ўтиши ҳақида ёзган эди. Килиан "Реал"да йилига 25 миллион евро "соф", солиқларни инобатга олганда эса 50 миллион евро маош олади.