Чемпион боксчимиз Шоҳжахон Эргашев юртимизга қайтиб келди (фото)

Профессионал боксда фаолиятини мағлубиятсиз давом эттираётган Шоҳжаҳон Эргашев бугун юртимизга қайтиб келди.

Ислом Каримов номидаги Тошкент халқаро аэропортда нокаутчи боксчимизни Ўзбекистон давлат жисмоний тарбия ва спорт вазирлиги, Миллий олимпия қўмитаси, Ўзбекистон профессонал бокс федерацияси мутасаддилари, ОАВ ходимлари ҳамда кенг жамоачилик томонидан тантанали равишда кутиб олинди.

- Кўрсатилган катта эҳтиром учун барчадан чексиз миннатдорман. Ўйлайманки, ҳали улкан муваффақиятларимиз олдинда. Ниятим тўрт йўналиш бўйича чемпионлик камарларидан бирини Ўзбекистонга олиб келиш, - дейди Шоҳжаҳон.

Эслатиб ўтамиз, Шоҳжаҳон Эргашев шу пайтга қадар профессонал рингда 12 та жанг ўтказиб, уларнинг барчасини нгкаут билан якунлаган.