Екатеринбургдаги профессионал жангларда рингга чиқадиган боксчиларимизнинг рақиблари билан танишинг

  • 11 апрель, 2018, 11:21
  • 0
  • Бокс

18-22 апрель ва 4 май кунлари Россиянинг Екатеринбург шаҳрида профессионал бокс бўйича жанглар ташкил этилади. Унда бир қатор боксчиларимиз навбатдаги жангларини ўтказишади.

18 апрел куни жами 12 та жанг бўлиб ўтиши режалаштирилган. Шулардан бирида 79,4 кг вазнда Жалолиддин Ўктамов (2-0-0, КО2) ҳам рингга кўтарилади. Унда мазкур тўқнашувда россиялик Денис Хаматов (1-0-0) рақиблик қилади. Бу ҳамюртимиз учун профессионал рингдаги учинчи жанг бўлади. У олдинги иккита жангда муддатидан олдин нокаут билан якунлаган. Жанг 4 раунд бўлади.

22 апрел икки нафар боксчимиз рингга чиқади:

55,2 кг вазнда Сардор Музаффаров учинчи жангини россиялик Мурад Арслановга (8-3-0, КО4) қарши ўтказади. Бунгача боксчимиз бир мағлубият ва бир дуранг қайд этган. Жанг 6 раунд.

Ўша куни Равшанбек Умурзаков (2-0, КО2) ҳам фаолиятида учинчи марта рингга чиқади. Бу сафар унга грузиялик енгилмас боксчи Мераб Туркадзе (5-0, КО2) рақиблик қилади. Жанг 61,2 кг вазнда 8 раунд бўлади.

4 май кунги беллашувларда 4 нафар боксчимиз рингга кўтарилади.

59 кг вазнда тажрибали боксчилариздан Ферузбек Йўлдошев (12-3-0, КО6) мезбон боксчи Марк Урванов (12-2-0) билан куч синашади. Жанг 8 раунд давом этади.

61,2 кг вазнда Равшанбек Умурзаков (2-0-0) россиялик Денис Лашинга (8-6-1) қарши рингга кўтарилади. Жанг 8 раунд этиб белгиланган.

Профессионал рингда иккинчи жангини ўтказаётган Степан Партнов (0-1-0) эса камерунлик Гуэрин Соҳ Фанкоу (1-3-0) бўладиган жангда илк ғалабасини нишонлаши мумкин. Жанг 66,7 кг вазнда 4 раунд давом этади.

Ушбу вазндаги яна бир жанг россиялик Евгений Никитин (3-2-0, КО1) ҳамда ўзбекистонлик Азамат Эргашев (8-2-0, КО7) ўртасида бўлиб ўтади. Жанг 6 раунд қилиб белгиланган.

Фикрлар

Фикр қолдириш учун авторизациядан ўтинг!