Енгилмас боксчи Шоҳжаҳонни қўллаб-қувватлайлик!

Енгилмас профессионал боксчимиз Шоҳжаҳон Эргашев Бруклиндаги «Barclays Center» спорт мажмуасида 28 апрель куни хитойлик Жиминг Ванг билан жанг қилиши ҳақида хабар берган эдик.

Шоҳжаҳон ушбу жангда чемпионлик камари учун рингга кўтарилиши ҳақида барчанинг хабари бор. Боксчимиз жамоаси кескин ва муросасиз тарзда ўтиши кутилаётган мазкур жангга барча ўзбек мухлисларини таклиф этади.

"Азиз мухлисларим мен доимо ўзга юртда жанг қилсам ҳам сизларни қўллаб-қувватлаб туришингизни хоҳлайман ва буни ҳис қиламан. Биз барчамиз Соҳибқирон Амир Темир авлодимиз. Шу сабабли ҳам ҳаммамиз дунёга ўзбек ўғлонлари ҳеч кимдан кам эмас ва кам бўлмаслигини кўрсатишимиз керак. Сизларни 28 апрель куни бўлиб ўтадиган жангимга таклиф этаман", - дейди Шоҳжаҳон Sports.uz интернет порталига берган хабарида.

Кўпчилик мухлислар қаторида Sports.uz сайтининг барча ходимлари ҳам мазкур жангда енгилмас боксчимизни қўллаб-қувватлайди.