Геннадий Головкинга рақиб топилмаяпти

  • 12 апрель, 2018, 12:36
  • 0
  • Бокс

Ўрта вазн тоифасининг WBC, WBA Super, IBF ва IBO чемпионлик камарлари соҳиби Геннадий Головкин 5 май куни АҚШда ўтказилиши режалаштирилган жангга рақиб топа олмаяпти ва шу сабаб мазкур тўқнашув бекор қилиниши мумкин, дея хабар беради Boxingscene нашри.

Аввалига қозоғистонлик боксчи ушбу қарама-қаршиликда Сауль Альварес билан учрашиши керак эди. Бироқ мексикалик боксчининг организмида тақиқланган модда (допинг) топилгани учун у четлатилди.

Бундан ташқари жанг Лас-Вегасдан Карсон шаҳрига кўчирилди, аммо ташкилотчилар Головкинга рақиб топа олганича йўқ. Бу борадаги якуний қарор тез орада эълон қилиниши кутилмоқда.

Фикрлар

Фикр қолдириш учун авторизациядан ўтинг!