Головкин Альварес билан жанг бўлишига ишонмоқда
Қозоғистонлик боксчи Геннадий Головкин мексикалик Сауль Альварес билан бўладиган жанг қолдирилмаслигига ишонмоқда. Аввалроқ Альварес допинг назоратидан ўта олмаган ва организмидан тақиқланган модда – кленбутерол топилган эди.
Агар мазкур жанг ташкил этилмаса, WBA, WBC, IBF ва IBO камарларининг қозоғистонлик чемпиони WBO титули соҳиби британиялик Жо Сондерс билан куч синашиши кутилмоқда.
– Мен Альварес билан жанг бўлишига ишонаман, – дея Головкиннинг сўзларини келтиради Daily Mail нашри. – Бу ҳозирда бокс оламидаги энг муҳим жанглардан бири, аммо барчасини Невада штати атлетик комиссияси ҳал қилади. Агар жанг бекор қилинса, кейинги қадам Сондерс бўлади. Мен барча камарларни олишни орзу қиламан.
Фикрлар