ЖЧ-2016: Бугун уч нафар боксчимиз рингга кўтарилади

  • 20 ноябрь, 2016, 11:54
  • 0
  • Бокс

Бугун Россиянинг Санкт-Петербург шаҳри мезбонлик қилаётган бокс бўйича ёшлар ўртасидаги 20-жаҳон чемпионатининг тўртинчи кунги беллашувларига старт берилади.

Бугунги баҳсларда уч нафар боксчимиз рингга кўтарилади. Дастлаб 60 кг. вазн тоифасида юртимиз шарафини ҳимоя қилаётган Билолбек Мирзараҳимов чемпионатдаги иштирокини қозоғистонлик Санатали Толтаевга қарши баҳс билан бошласа, 75 кг вазн тоифасида Шоҳруҳ Рустамов ўзининг иккинчи жангини озарбайжонлик Чобанли Расимга қарши ўтказади. Шоҳруҳ бундан олдинги саралаш беллашувида болгариялик Егор Скамароховни мусобақадан чиқариб юборган эди.

Шунингдек, 69 кг. вазн тоифасида ҳамюртимиз Улуғбек Собиров иккинчи саралаш беллашувида жазоирлик Самир Мекаоуче билан куч синашади.

Боксчиларимизга бугунги беллашувларда омад тилаб қоламиз.

Фикрлар

Фикр қолдириш учун авторизациядан ўтинг!