Машҳур чемпион олтин камаридан воз кечади
Профессионал бокснинг WBO йўналиши бўйича биринчи ўрта вазн чемпиони Сауль Альварес (48-1-1, 34 КО) бу чемпионлик камаридан воз кечишини маълум қилди.
Мексикалик боксчининг бу қарори оғирлигини ошириб, бундан буён ўрта вазнда рингга чиқишни режалаштираётгани билан боғлиқ.
Жаҳон рейтингида биринчи ўринни эгаллаб турган Сауль Альварес 6 май куни ўз ҳамюрти Хулио Сезар Чавес (50-2-1, 32 KO) билан ўрта вазнда жанг ўтказади.
- Бу жангдан кейин ўрта вазнда қоламан, - деди Сауль Альварес. - Ҳозирги чемпионлик камаримни бошқа ҳимоя қилмайман ва уни топшираман.
Ўрта вазнда чемпионлик камарларининг аксариятини қозоғистонлик боксчи Геннадий Головкин (36-0, 33 КО) эгаллаб турибди. Сауль Альварес бу йил Головкинга қарши жанг ўтказишни реэжалаштирмоқда.
Фикрлар