Мейвезер 2018 йил сўнггига қадар ММАда дебют қилиши мумкин

Бокс бўйича беш вазн тоифасининг собиқ жаҳон чемпиони америкалик Флойд Мейвезер аввалроқ аралаш яккакураш жангларда дебют қилиши мумкинлиги ҳақида айтиб ўтган эди. Унинг сўзларига кўра, MMA қоидалари бўйича ўтадиган илк жанги жорий йил сўнггига қадар ўтказилиши эҳтимоли катта.

- 2018 йил охирига қадар МMAда дебют қилиш имконияти бор менда, бироқ мен уни 50х50 баҳолайман. Бунга ҳеч қандай кафолат бера олмайман. Шундай бўлсада MMAга қизиқишим катта. Шу йил жангда қатнашсам, жуда хурсанд бўлган бўлардим, - дейди кичик Мейвезер MMA News нашрига берган интервьюсида.