Мейвезер UFCда фаолиятини бошлаши мумкин

Бокс бўйича беш вазн тоифасининг собиқ жаҳон чемпиони Флойд Мейвезер спортга қайтиши борасида хабарларни инкор этмаяпти, бироқ у энди боксга эмас, балки аралаш яккакурашларда (UFC)да ўз омадини синба кўриши мумкин.

– Спортсиз ҳаёт ажойиб ўтмоқда. Барча менинг спортдан кетганимни билишади ва кейин қайтаман. Қайтишим мумкинми? Ҳа, аммо шундай бўладиган бўлса, фақатгина UFCда жанг қиламан. Агар Дана Уайт билан келиша олсак, катта шоу бўлиши мумкин. Мен Конор Макгрегор билан учрашишим мумкин, бироқ яна бир нечта жангларга шартнома имзолашимиз ҳам мумкин. Боксга келсак, бошқа ҳеч қачон рингга чиқмайман, – дейди америкалик спортчи BoxingScene нашрига.