Мигель Котто Головкин билан жангдан сўнг боксни тарк этмоқчи

  • 15 сентябрь, 2017, 15:43
  • 0
  • Бокс

Биринчи ўрта вазн тоифасининг WBO камари соҳиби Мигель Котто 2 декабрь куни Нью-Йоркда ўрта вазн тоифаси жаҳон чемпиони Геннадий Головкин билан жанг қилишни режалаштирмоқда, дея хабар беради Latimes нашри. Бироқ Тошкент вақти билан 17 сентябрь куни қозоғистонлик боксчи Сауль Альваресга қарши рингга чиқади. Агар Головкин мазкур жангда ютадиган бўлса Котто билан учрашиш эҳтимоли катта.

36 ёшли Котто тўрт вазн тоифасида чемпионликни қўлга киритган илк пуэрторикалик боксчи ҳисобланади. Яқинда у 2017 йил сўнггида боксни тарк этишини маълум қилган эди.

Котто 2015 йили Сауль Альварес билан учрашган ва очколар бўйича имкониятни бой берган эди. Бундан ташқари Альварес бир неча йилдан бери йилда иккита жанг ўтказмоқда: май ва сентябрь ойларида. Унинг мураббийи Котто билан иккинчи жанг мухлислар учун қизиқарли бўлмаслигини таъкидламоқда.

Фикрлар

Фикр қолдириш учун авторизациядан ўтинг!