Пакьяо Фредди Роуч билан ҳамкорликни тугатиш борасида якуний қарорга келмаган

Саккиз вазн тоифасининг собиқ жаҳон чемпиони Мэнни Пакьяо америкалик мураббийи Фредди Роуч билан ҳамкорликни тўхтатиш борасида якуний қарорга келмади.

Аввалроқ, 39 ёшли филиппинлик Роуч билан ҳамкорликни бекор қилингани хабар берилган эди. Боксчи бу мураббий қўл остида 2001 йилдан бери шуғулланиб келмоқда. Энди Пакьяо филиппинлик Бубой Фернандес билан ишлайди.

Эслатиб ўтамиз, июлда Пакьяо ярим ўрта вазн тоифасида WBA чемпионлик титули учун аргентиналик Лукас Матиссе билан куч синашади.

– Биз Фредди билан бир оиламиз, шунинг учун мен бу борада бирор қарорга келганим йўқ, –дея Пакьяонинг сўзларини келтиради Reuters. – Агар мен Матиссега қарши жангга тайёргарлик учун Фернандесни танласам, бу Фредди учун эшиклар ёпилди дегани эмас.