Пакьяо Ломаченкодан чемпионлик камарини тортиб олмоқчи

Саккиз вазн тоифасининг собиқ жаҳон чемпиони Мэнни Пакьяо ўзининг навбатдаги жангини 24 июн куни Малайзияда WBA Regular чемпиони Лукас Матиссега қарши ўтказишидан хабарингиз бор.

Филиппинлик боксчи бундан кейин яна битта чемпион боксчи билан учрашишни истаётганини маълум қилган. Унга кўра, мазкур жангда иккинчи ярим енгил вазн тоифасининг WBO камари соҳиби украиналик Василий Ломаченко бўлиши кутилмоқда.

Филиппинлик боксчи расман украиналик боксчи билан учрашишни хоҳлаётганини маълум қилган. Бу билан Пакьяо чемпионлик камарларини яна ўзига қайтаришни мақсад қилган.