Поветкин Москвада Жошуага қарши жанг қилиши мумкин

Бокс бўйича Россия терма жамоасининг собиқ бош мураббийи Александр Лебзякнинг сўзларига кўра, Александр Поветкин британиялик Дэвид Прайс билан бўладиган жангда муддатидан олдин ғалаба қозонади. Бу боксчилар ўртасидаги жанг бугун, 31 март куни Кардифф шаҳрида бўлиб ўтади.

Россиялик мураббий шунингдек, Поветкиннинг супер оғир вазнда WBA (Super), IBO ва IBF камарлари соҳиби Энтони Жошуа билан жангга тайёрлигини маълум қилган.

– Мен Поветкин Жошуа билан жангга тўлиқ тайёр деб ҳисоблайман, –дея Лебзякнинг сўзларини келтиради “Известия” нашри. – У допинг можаросидан оқланди ва руминиялик Кристиан Хаммер устьидан ишончли ғалабага эришди. Олдинига у Прайс билан ҳисоб-китоб қилиб олиши мумкин, аммо бу боксчига қарши жангда жиддий қаршиликка учрамайди. Жанг муддатидан якунланишига ишончим комил.

Промоутер Вадим Корнилов сўзларига кўра, Александр Поветкин ва британиялик Энтони Жошуа ўртасидаги жанг Москвада бўлиши мумкин экан.

Эслатиб ўтамиз, кечанинг асосий қарама-қаршилигида WBA (Super), IBO ва IBF чемпиони Энтони Жошуа (109,8 кг) ва WBO чемпиони соҳиби янгизеландиялик Жозеф Паркер (107,2 кг) учрашади.