Расман! Ломаченконинг кейинги рақиби маълум бўлди

Иккинчи ярим енгил вазн тоифасининг WBO чемпионлик камари соҳиби Василий Ломаченко WBA чемпиони 32 ёшли Хорхе Линарес билан жанг борасида келишувга эришди. Унга кўра, мазкур тўқнашув 12 май куни Нью-Йоркда бўлиб ўтади.

– Расман шартнома имзоланди. 12 май куни Нью-Йоркда 20 минг мухлисни ўз бағрига сиғдира оладиган “Madison Square Garden” аренасида украиналик Василий Ломаченко енгил вазнда (-61,2 кг) дебют жангини ўтказади. Унга WBA версияси бўйича жаҳон чемпиони колумбиялик Хорхе Линарес рақиблик қилади, – деб ёзади украиналик боксчи фейсбукдаги расмий саҳифасида.