Сергей Ковалевнинг рақиби ўзгарди

Россиялик боксчи Сергей Ковалев америкалик Маркус Браун ўрнига колумбиялик Элейдер Альварес билан жанг қилади, дея хабар беради boxingscene нашри.

Ковалев ва Браун жанги июлда бўлиши керак эди, бироқ америкалик боксчи зўравонликда айбланаётганлиги сабабли жангдан четлатилган. Альварес россиялик спортчи билан жанг борасида келишувга эришган, аммо жанг ўтказиладиган жой ва санаси номаълум бўлиб турибди.

35 ёшли Ковалев 32 жангда (28 нокаут) ғалаба қозонган бўлса, 2 мағлубият ва 1 дуранг қаайд этган. У сўнгги жангида ҳамюрти Игорь Михалкинни техник нокаутга учратган.

34 ёшли Альварес профессиональ рингда мағлубиятга учрамаган. Унинг ҳисобида 23 ғалаба (11 нокаут) мавжуд.