Шоҳжаҳон Эргашев ўзини чавандозликда синаб кўрмоқда (фото)

Маълумки, 12 январ куни Нью-Йорк шаҳрида ташкил қилинган профессионал бокс кечасида нокаутчи Шоҳжаҳон Эргашев навбатдаги жангини ўтказган эди. Ўшанда боксчимиз америкалик енгилмас Сони Фридриксонни (18-1-0, КО12) техник нокаутга учратиб, дунё рейтингининг кучли 10талигига кирган эди.

19 январ куни юртимизга қайтиб келган боксчимизни Ислом Каримов номли Тошкент халқаро аеропортида кенг жамоатчилик томонидан илиқ кутиб олинган эди. Қисқа таътилда у бўш вақтини мазмунли ўтказиш мақсадида у от миниш билан шуғулланмоқда ва бу борада ҳам ўзини синаб кўрмоқда.

Эслатиб ўтамиз, боксчимиз жангдан сўнг берган интервьюларидан бирида чемпионлик жангини жорий йилнинг апрел ойида ўтказилиши кутилаётганини маълум қилган.