“Fiorentina” “buqalar”dan futbolchi sotib oldi

Italiyaning “Fiorentina” jamoasi “Torino” yarim himoyachisi Marko Benassini o‘z safiga qo‘shib olganini e’lon qildi.

23 yoshli xavbek payshanba kuni tibbiy ko‘rikdan o‘tadi va “fialkalar” bilan 5 yillik shartnomaga imzo chekadi.

Norasmiy xabarlarga qaraganda, “buqalar” Benassi uchun 10 mln evro olishadi.

Ma’lumot uchun, Benassi o‘tgan mavsum A Seriyada 28 bahsda maydonga tushdi va 5 ta gol kiritib, 3 ta golli uzatmani amalga oshirdi.