Геннадий Головкин: Мен ҳамон чемпионман

Лас-Вегасда ўтган Геннадий Головкин ва Сауль Альварес ўртасидаги жангдан сўнг қозоғистонлик боксчи ўз фикрларини билдириб ўтди. Жанг дуранг билан якунига етган.

– Мен ўз камарларимни сақлаб қолдим. Ҳамон улар менга тегишли. Демак, мен ҳали ҳам чемпионман. Бу менинг айбим эмас. Мен ҳар бир раундда босим уюштирдим. Мени  қўллаб-қувватлаган барчага ўз миннатдорлигимни билдираман, – дейди Головкин.

Эслатиб ўтамиз, мазкур жангда боксчилар Головкин эгалик қилиб келаётган барча чемпионлик камарлари – WBC, WBA (Super), IBF ва IBO учун кураш олиб борди. Бироқ жанг олдин ташкилот низосига кўра, 27 ёшли Альварес WBC камарига даъвогарлик қила олмаслиги маълум қилинган эди.