Икки нафар боксчимиз профессионал фаолиятини нокаут билан бошлади
Россиянинг Екатеринбург шаҳридаги “Дом печати” клубида ўтказилган бокс кечасида икки нафар боксчимиз профессионал рингдаги фаолиятини бошлади.
Равшанбек Умрзоқов илк профессионал жангини 29 ёшли россиялик Евгеней Смеловга (3-4-0, КО2) қарши ўтказиб, 6 раундли жангнинг биринчи раундида рақибини нокаутга учратди.
Шунингдек, яна бир ҳамюртимиз Равшан Эргашев қозоғистонлик Рустам Сваевга (1-0-0) билан куч синашди. 4 раунд этиб белгиланган қарама-қаршиликнинг сўнгги раундида боксчимиз рақибини техник нокаутга учратишнинг уддасидан чиқди ва илк ғалабасини нишонлади.
Шунингдек, ўзбекистонлик Қобилжон Ҳосилов профессионал карьерасини арманистонлик Карен Маргарянга (1-0-0) қарши жанг билан бошлаб, дуранг қайд этди.
Фикрлар