Азар: Ҳеч қандай такрорий вазият керак эмас, пенальти бор эди

Лондоннинг “Челси” жамоаси ярим ҳимоячиси Эден Азар “Арсенал”га қарши (2:2) учрашувдан кейин ўз фикрини билдирди. Бельгиялик футболчи ўзига нисбатан ишлатилган қўполликдан кейин 67-дақиқада пенальтидан гол киритиб, ҳисобни тенглаштирганди.

• Бельерин ўзини айбсиз айбдор деб ҳисобламоқда

“Ўйин тенг курашлар остида ўтди, ҳар икки жамоа сифатли футбол намойиш қилди. Кўпроқ гол уриш учун имкониятимиз бор эди, аммо вазиятлардан унумли фойдалана олмадик. Охирги зарба – гол билан якунланиши керак эди. Шунга қарамай, натижадан мамнунмиз.

Пенальти? Ҳеч қандай такрорий вазият керак эмас, пенальти бор эди. Петр – ажойиб дарвозабон, унга гол уриш осон эмас. Аммо мен пенальтини голга айлантира олдим ва бу энг муҳими”, – деди Азар.