2006 йилги жаҳон чемпиони фаолиятини Мальтада давом эттириши мумкин

Италия терма жамоаси собиқ ҳимоячиси ва 2006 йилги жаҳон чемпиони Кристиан Заккардо фаолиятини Мальтанинг «Валлетта» клубида давом эттириши мумкин. Бу ҳақда Football Italia нашри хабар тарқатмоқда.

Юқоридаги манбаанинг маълум қилишича, томонлар бу борада бугун ўзаро музокараларни бошлашади.

Маълумот учун, Заккардонинг сўнг жамоаси “Виченца” клуби бўлган эди. 35 ёшли футболчи айни дамда эркин агент ҳисобланади.

У фаолияти давомида шунингдек “Милан”, “Болонья”, “Специя”, “Палермо”, “Парма”, “Карпи”ва "Вольфсбург" каби жамоаларда тўп сурган.