АПЛ: 6-ўринни хеч кимга бергиси келмаётган «МЮ»

6-ўриндан юқорироққа кўтарилиш учун бундан кўра қулай имконият йўқдек эди гўё, бироқ амалда бу ўта мушкул вазифа бўлиб чиқди. АПЛ 27-туридан ўрин олган бахсда «МЮ» ўз майдонида «Борнмут»ни қабул қилди. Ўртамиёна жамоа бўлмиш «Борнмут»га қарши бахслар статистикасига кўра охирги 5 учрашув «МЮ» ғалабаси билан якун топган ва ушбу ўйинлардаги голлар бўйича ҳисоб 15-1 албатта «МЮ» фойдасига эди. Хуллас, осонгина 3 очкони тақдим қилиши лозим бўлган учрашувда «МЮ» кўпроқ ўзига ўзи халақит берди десак тўғрироқ булар. Чунки, ўтган хафтада Лига кубогини қўлган киритган жамоа менимча керагидан ортиқроқ хурсанд бўлиб юборгандек кўринди ва рақибига етарлича баҳо бера олмади.

Албатта, Саутгемптондек жамоани мағлуб этгандан сўнг Эдди Хау жамоаси нима ҳам қила оларди дейиш мантиқан тўғри бўлсада, ўйин кутилган натижани бермади. Рохо нинг голидан сўнг хаммаси жойида эди дейиш мумкиндир, аммо «МЮ» футболчилари бироз эркинликка йўл қўйишди. «Борнмут» химоячиси Тайрон Мингз эса «МЮ» тўпурари бўлмиш кимсан Златан “Швеция қироли”  Ибрагимовични ўйиндан чиқара олди ва учрашув сўнггигача Златан ўзини қўлга ола билмади. Урилмаган пенальти бунга яққол мисол бўла олади.

Шу ўринда, баъзида бўлса ҳам Златанни алмаштириб туриш керак деган фикрни айтиб ўтмай иложи йўқ. Еки бўлмаса барча тўп узатишлар фақатгина Ибрага йўналтирилиши борасида альтернатив тактика қўллашни жамоа устози ўйлаб кўриши лозим.

  Умуман олганда жамоа хужумлари кўп сонли бўлсада ҳавфдан йироқ бўлди, уларда оз бўлсада ноананавийлик бўлганда хеч йўқ яна битта голга тортатидан вазият юзага келармиди. Яна шунга эътибор қаратиш лозимки, бир киши кам қолгач «Борнмут» асосий эътиборни химояга қаратди ва Мауриньога қарши унинг “автобусини” қўллади. Ўйинда араб футболига хос вазиятларнинг бир неча бор юз бергани эса АПЛ учун хайрон қоларли воқеа эканлиги ва айниқса биз ўзбек футбол мухлисларига умуман ёқмасигини айтиб ўтамиз холос.

  Шундай қилиб «МЮ» ушбу турда жадвалда юқорида бораётган “Ливерпуль” ва “Арсенал”нинг ўзаро учрашувидан фойдалана олмади. Ғалаба натижасида 5-ўринга кўтарилиши мумкин бўлсада ўзининг “севимли 6-ўрнини” хеч кимга бергиси келмади. Шу ўринда  “Арсенал” мухлисларига хавас қилиш мумкинлиги айтиб ўтиш керак, чунки “Арсенал” хар қалай 2 поғона юқорироқни яъни 4-ўринни “ўзиники” қилиб олган. Яна хаммасини вақт, тўғрироғи қолган турлар кўрсатади, энг қизиқарлиси хали олдинда.

Шухрат Турсунов