АПЛнинг энг кўп маош олувчи футболчиси – Погба, Кейн эса 35-ўринда

Daily Mail нашри Англия Премьер-Лигасида тўп сурувчи футболчиларнинг маошларини таққослаб чиқди.

Уга кўра, “Манчестер Юнайтед” ярим ҳимоячиси Поль Погба АПЛда энг кўп маош олувчи футболчи эканлиги маълум бўлди. Франциялик футболчининг ҳафталик маоши 290 минг фунтни ташкил этади.

Топ-3 таликка МЮ форварди Ромелу Лукаку ҳам кирди. Унинг маоши ҳафтасига 250 минг фунтни ташкил этади. Бирданига уч футболчи ҳафтасига 220 минг фунт маош олади. Булар Серхио Агуэро, Яя Туре (иккаласи “Манчестер Сити”) ва Златан  Ибрагимович (“Манчестер Юнайтед”).

2017 йилнинг энг яхши тўпурари – Харри Кейн (“Тоттенхэм”)нинг маоши эса бор-йўғи 110 минг фунтни ташкил этади ва бу АПЛ футболчилари орасида 35-ўрин демакдир.