Англия – Панама. Матнли онлайн трансляция

Ўйин тугади. Голларга бой кечган беллашувда Англия термаси 6:1 ҳисобида Панамани енгди.

Панама яна гол уриш илинжида ҳужумга ўтганди. Аммо хавф бартараф этилди.

ГОООООЛ!!! Фелипе Балой Панама тарихидаги илк голга муаллифлик қилди – 6:1.

Панамада ҳисобни қисқартириш учун имконият вужудга келганди. Аммо Торреснинг зарбаси аниқ чиқмади.

Мурильо ҳакам томонидан огоҳлантирилди.

Англияда сўнгги ўзгариш: Киран Триппиер ўрнига майдонга Данни Роуз тушди.

Панамада ҳам ўзгариш: Анибал Годой ўрнига Рикардо Абила майдонга тушди.

Англия таркибида қўш ўзгариш: Харри Кейн ва Жесси Лингард майдонни тарк этди. Улар ўрнига мос равишда Жейми Варди ва Фабиан Делф ўйинга тушди.

ГОООООЛ! Лофтус-Чикнинг зарбасидан кейин Харри Кейн гол киритди – 6:0.

Панама ҳамон ЖЧ тарихидаги илк голини уришга уринмоқда. Аммо ҳужумлар якунига етиб тугул, дарвоза томон аниқ зарба берилмаяпти.

Раҳим Стерлинг ўйиндан ташқари ҳолатда қолиб кетди.

Панама ҳужумда қоидани бузди. Англия тўпга эгалик қилади.

Киран Триппиер тўпни бурчакдан узатиб берганди, аммо хавф бартараф этилди.

Панама термасининг бурчакдан узатилган тўпини англиялик ҳимоячилар қайтаришди.

Панама ҳужумлар уюштирмоқда, аммо якуний пас ноаниқ чиқмоқда.

Йирик ҳисобда ютаётганига қарамай, Англия фаолликни сусайтирмади.

Иккинчи бўлим бошланди.

Биринчи бўлим тугади. Панама ўз дарвозасидан 5 та гол ўтказиб юборишга улгурди. 

ГООООЛ! Харри Кейн яна бир пенальтини голга айлантирди – 5:0.

Ҳакам билан тортишгани учун Фидель Эскобар огоҳлантирилди. 

Англия яна пенальти ишлаб олди.

Бош ҳакам VAR тизимига мурожаат қилди. Стоунз гол киритган вазиятда оффсайд бор-йўқлиги текширилди. Оффсайд йўқ, гол инобатга олинди.

ГООООЛ!!! Ажойиб комбинациядан кейин Жон Стоунз ҳисобни 4:0 кўринишига етказди.

ГОООООЛ! Жесси Лингард узоқдан зарба йўллаб, чиройли гол муаллифига айланди – 3:0.

Асосан Англия терма жамоаси тўп билан муомала қилмоқда. 

Панаманинг яна бир ҳужуми самарасиз тугади. Аниқлик етишмаяпти марказий америкаликларга.

Англия терма жамоаси киритилган иккинчи голдан кейин шошилмасдан ҳаракат қилмоқда.

Рубен Лофтус-Чик қўполлиги учун ҳакам томонидан огоҳлантирилди.

ГООООЛ! Харри Кейн 11 метрлик жарима зарбасидан унумли фойдаланди – 2:0.

Пенальти! Эскобар ўз жарима майдончасида Жесси Лингардни қўполлик билан тўхтатди.

Панама термаси сардори Р. Торрес жароҳат олди. Унга майдон четида тиббий ёрдам кўрсатилмоқда.

Хавфли вазият! Панамада яна бир имконият йўққа чиқди. 

Панама терма жамоаси вазиятни тенглаштириш учун ҳаракат қилмоқда. Аммо уларнинг ҳужумлари самарасиз якун топмоқда.

Панама вакили Купер Жесси Лингардга нисбатан қўпол ўйнагани учун огоҳлантирилди.

ГООООЛ! Жон Стоунз бурчакдан узатилган тўпни рақиб дарвозасига йўллаб қўйди – 1:0.

Англия бурчак зарбасини ишлаб олди. Тўп олдида Киран Триппиер.

Хавфли вазият! Панамада ҳисобни очиш учун қулай вазият юзага келганди, аммо Годой зарбаси ноаниқ йўналиш олди.

Панама терма жамоасининг ҳужуми ноаниқ зарба билан якунланди.

Майдонда дастлабки тўқнашув. Жесси Лингард рақиб жарима майдончасида Гомес билан тўқнашиб кетди. Ҳар икки футболчига тиббий ёрдам кўрсатилди. Ҳаммаси жойида.

Англия терма жамоаси бугунги ўйинни оқ либосда, Панама қизил формаларда ҳаракат қилади

Учрашув бошланди.

Англия ва Панама терма жамоалари ўртасидаги учрашув Тошкент вақти билан 17:00 да бошланади. Унгача жамоалар таркиби билан танишинг: Англия: Пикфорд, Уолкер, Стоунз, Магуайр, Триппиеп, Янг, Лингард, Хендерсон, Лофтус-Чик, Кейн, Стерлинг. Панама: Пенедо, Мурильо, Эскобар, Р.Торрес, Дэвис, Гомес, Баркенас, Купер, Годой, Ж.Родригес, Перес.