Апеннин ярим оролидаги футбол фабрикалари маҳсулоти

Италиянинг таниқли нашрларидан бири Corriere Dello Sport муҳаррирлари Этторе Инторчья, Алессандро Мита ва Фабио М. Сплендоре А ва Б Серия клубларининг мавсум учун эълон қилган футболчилар рўйхатини ўрганишди ва ким қайси акадмиядан чиқганлигини статистикасини ўтказишди.  Натижага қараганда икки италян дивизионида жами 734 футболчи у ёки бу Италиядаги “футбол фабрикалари” тарбияланувчилари саналишади.

Натижага қараганда Б Серия клублари бу борада “акасидан” ортда қолмоқда – рўйхатдаги ҳар бир бешинчиси (22.3 % футболчи) академияни битирган. А Серия жамоаларидан эса ҳар бир иккинчиси (52.1% футболчи).  Рўйҳатнинг тўртдан бир қисми (25.6%) – бу қуйироқ дивизион вакиллари академияси тарбияланувчиларидир. Мисол учун “Рондинелла”дан Андреа Бардзали. Таъкидлаб ўтиш керакки, А серияда 35.7% футболчилар тўп суришади. Қолган асосий қисми эса Б Серияда тўп суради. Б Серияда ёш авлодни етиштириш борасида намуна бўла оладиган клублар сирасига “Брешия” (20 футболчи), “Эмполи” (18) ва “Пескара” (16). Ҳозирги кунда “Брешия” таркибида 8 футболчи айнан шу клуб тарбияланувчиси саналади. Аммо А серияда брешияликларни қидирсак хам топа олмаймиз. Чунки йўқ. “Эмполи” бу борада озгина ортда (5) Лекин тосканаликларнинг 6 нафари А серияда тўп суради. “Пескара”да тўртта ва шунчаси А серияда тўп суради. Энг ёмон натижа машҳур “Про Верчелли”да. Италиянинг етти карра чемпиони Б серияда иштирок этса ҳам таркибида биронта ўзининг “маҳсулоти” йўқ. А сериянинг энг “зиқна” академияси – “Сассуоло”: уларнинг барча беш нафар тарбияланувчиси юқоридивизионда неровердилар сафида тўп суради. Ўхшаш вазият “Беневенто” клубида. Жамоанинг икки аъзоси ўзининг академиясидан чиққан. Энг “саҳий” академиялардан бир бу “Фиорентина” клубиники – 12 футболчи А серияда тўп суради ва улардан фақатгина Федерико Кьеза “бинафшаранглилар” сафида тўпурарлардан бири бўлиб турибди.

Ўтган мавсумда Италия чемпионатида италян “Лестер”ига айланишига озгина қолган “Аталанта” 32 нафар тарбияланувчиси билан умумий рўйхатнинг 5 ўриндан жой олган. Улардан 15 футболчи юқори дивизонда тўзп сурса, учдан бир қисми бергамоликларнинг ўзида тўп суради. Туринлик “кекса сеньора” кучли учликдан жой олди: 37 тарбияланувчи, 14 нафари А серияда ва фақатгина 4 футболчи Массимилиано Аллегри қўл остида тўп сурмоқда. Рўйҳатнинг энг юқори ўринларида 40 нафардан тарбияланувчисига эга “Рома”, “Милан” ва “Интер” турибди. Нерадзурриларнинг 40 тарбияланувчисидан 15 таси А серияда ва 3 футболчи “Интер” таркибида қолган.

Умуман олганда россонериларнинг 43 битирувчисидан 8 футболчи академиядан чиқиб, айни вақтда клуб таркибида бўлса 16 нафари А серияда бошқа клубларда тўп сурмоқда. Римликлар “қизил-қоралар” рекордини такрорламоқда. Аммо “Милан”га қараганда А серияда икки баробар камроқ футболчи Римда тўп сурмоқда.

Фикрлар

Фикр қолдириш учун авторизациядан ўтинг!