“Барселона” Виллиан учун “Челси”га 72 млн евро таклиф қилмоқда
“Барселона” жамоаси ҳисоб бўйича учинчи марта “Челси” клубига ярим ҳимоячи Виллиан борасида таклиф билан чиқди. Бу ҳақда Sky Sports хабар бермоқда.
Манбанинг маълум қилишича, каталонияликлар Виллиан учун 72 миллион евро таклиф қилмоқда. Бундан аввалги таклиф 2 миллион еврога камроқ бўлган.
Аввалроқ “Манчестер Юнайтед” жамоаси ҳам бразилиялик 29 ёшли футболчига қизиқиш билдирган ва унинг трансфери учун 80 миллион евро сарфлашга тайёр бўлганди.
Ўтган мавсумда Виллиан АПЛнинг 36 ўйинида майдонга тушиб, 6 та гол ва 7 та голли пасга муаллифлик қилди.
Фикрлар