Биласизми? АПЛ клублари 2017 йил агентлар учун 200 млн фунтдан кўпроқ пул тўлашган

Инглиз клублари якунланган 2017 йилда футбол агентлари учун 200 млн фунтдан ортиқ хизмат ҳақи тўлашган. Бу ҳақда The Guardian нашри хабар бермоқда.

Айтиш лозимки, бу 2016 йилгидан қарийб 20 фоизга кўпроқ деганидир.  Жамоалар орасида “Ливерпуль” ўртакашлар учун энг кўп пул тўлаган – 27 млн фунт.

Кейинги ўринларда “Челси” (25,1 млн), “Манчестер Сити” (23,5 млн), “Манчестер Юнайтед” (18 млн) ва “Уотфорд” (13,4 млн) клублари қайд этилди.

АПЛнинг фақатгина беш жамоаси – “Бернли”, “Брайтон”, “Хаддерсфилд” ва “Вест Бромвич” агентлар учун 5 млн фунтдан камроқ пул беришган.