Биласизми? Месси Испания кубогининг 5та финалида гол ура олган тарихдаги иккинчи футболчи

Кеча бўлиб ўтган «Севилья»га (5:0) қарши Испания кубоги финалида «Барселона» форварди Лионель Месси учрашувдаги голларнинг бирига муаллифлик қилишга эришди.

Opta нашри тарқатган хабарга кўра аргентиналик футбол юлдузи ушбу мусобақаларнинг 5та финалида гол ура олган тарихдаги иккинчи футболчи бўлди. Таъкидлаш керакки, Месси ушбу 5та баҳсда рақиблари дарвозасига 6та гол уришга муваффақ бўлган.

Бу борадаги илк натижа “Атлетик” Бильбао футболчиси Тельмо Саррага тегишли. У ушбу ўйинларда ўз ҳисобига 8та гол ёздириб қўйишга эришган. Сарра ушбу натижани 1942-1950 йилларда амалга оширган.