Биласизми? "Саутгемптон" сўнгги 10 йил ичида бор йўғи 14та футболчи сотиб, 300 млн фунт даромад кўрди

Англиянинг “Саутгемптон” клуби сўнгги 10 йил ичида жами 300 млн фунтлик футболчи сотишга муваффақ бўлди. Бу ҳақда Daily Mail нашри хабар тарқатмоқда.

Эслатиб ўтамиз, ушбу жамоа куни кеча Виргил ван Дейкни 75 млн фунт эвазига “Ливерпул”га сотган эди. Мерсисайдликлар шунингдек ушбу жамоадан Натаниэль Клайн (12,5 млн фунт), Деян Ловрен (20 млн), Адам Лаллана (25 млн) ва Садьо Мане (34 млн) каби футболчиларни ҳарид қилишган.

Айтиш лозимки, Лондоннинг “Тоттенхэм” клуби “Саутгемптон” футболчиларининг асосий ҳаридорларидан бири саналади. “Шпорлар” бундан аввалроқ Гарет Бэйл (10 млн), Тоби Алдервейрелд (11,5 млн), Виктор Ваньяма (11 млн) ва Пауло Гассаниг (1 млн) каби футболчиларни ўз сафларига қўшиб олишган эди.

Шунингдек “Манчестер Юнайтед” Люк Шоу (25 млн) ва Морган Шнайдерлинларни ҳам айнан “Саутгемптон”дан ҳарид қилган.

“Арсенал” эса Тео Уолкотт, Алекс Окслейд-Чемберлен ва Кэлум Чемберс каби футболчилар учун “Саутгемптон”га умумий ҳисобда 43 млн фунт тўлаган.

Маълумот учун, “Саутгемптон” сўнгги 10 йилда бор йўғи 14та футболчи сотган ҳолос.