"Челси" футболчиси мавсумни Шотландияда якунлайди

Лондоннинг “Челси” клуби ярим ҳимоячиси Чарли Мусонда фаолиятини Шотландиянинг “Селтик” клубида давом эттиришга яқин турибди.

Daily Mail тарқатган хабарга кўра шотландияликлар Лондон клубида етарли ўйин амалиётига эга бўлолмаётган 21 ёшли бельгиялик футболчини 1,5 йилга ижарага олишмоқчи. Таъкидлаш лозимки, Мусонда учун шунингдек Испаниянинг “Леванте” клуби ҳам кураш олиб бораётган эди.

Маълумот учун, Чарли Мусонда жорий мавсум АПЛда бор йўғи 3та баҳсда иштирок этган ва жамоасининг 1та голига ассистентлик қилишга муваффақ бўлган.