Фернанду Сантуш ЖЧ-2018 фаворитлари кимлигини айтди

Португалия терма жамоаси бош мураббийи Фернанду Сантуш ёзда Россия яшил майдонларида бўлиб ўтадиган мундиал фаворитлари борасида ўз фикрларини билдириб ўтди.

“Менимча Бразилия, Германия, Испания, Аргентина ва Франция жаҳон чемпионатининг асосий фаворитлари. Мен уларнинг тажрибаси ва кучига қараб баҳо беряпман. Биз фаворит эмаслигимизни ва бошқа жамоаларнинг кучли эканлигини тан оламиз. Лекин бу бизнинг ҳар бир ўйинда ғалаба қозониш ниятимиз йўқ эканлигини билдирмайди”, - дейди Сантуш ФИФА расмий сайтига берган интервьюсида.

Эслатиб ўтамиз, амалдаги Европа чемпионлари мундиалнинг гуруҳ босқичида Испания, Марокаш ва Эрон термалари билан куч синашишади.