Игуаин 9та ўйиндан буён давом этиб келаётган голсиз сериясига бархам берди

Туриннинг “Ювентус” клуби ҳужумчиси Гонсало Игуаин кеча А Сериянинг 35-турида “Интер”га (2:3) қарши бўлиб ўтган баҳсда ғалаба голини киритди.

Шу тариқа аргентиналик футболчи ўзининг 9та (7та “Ювентус”, 2та Аргентина) ўйиндан буён давом этиб келаётган голсиз сериясига бархам берди. Эслатиб ўтиш лозимки, у сўнгги бор 14 март куни “Аталанта”га (2:0) қарши ўйинда гол уришга эришган эди.

Маълумот учун, Игуаин жорий мавсум А Серияда жами 32та майдонга тушиб, ўз ҳисобига 16та гол ҳамда 8та голли узатма ёздириб қўйишга эришган.