Инсинье Аргентинадан учралган мағлубиятни шармандалик деб атади

Италия терма жамоаси ҳужумчиси Лоренцо Инсинье кеча Аргентинага (2:0) қарши баҳсда учралган мағлубиятдан сўнг ўз фикрларини билдириб ўтди.

“Биз гол ура олмадик. Бу шармандали ҳолат. Чунки биз жуда яхши ўйнадик. Балки ўша 2та голни ҳам ўтказмаслигимиз мумкин эди. Агар натижани ҳисобга олмасак, биз ажойиб ўйин намойиш этдик ва биз олдинга қадам ташлашда давом этамиз.

Менимча биз Аргентинага етарли қаршилик кўрсата олдик. Агар таркибимизда Иммобиле бўлганида ўйлайманки биз ҳозир умуман бошқа мавзу ҳақида гаплашаётган бўлардик”, - дейди “Наполи” футболчиси.

Эслатиб ўтамиз, Италия терма жамоаси ЖЧ-2018 саралашида омадсизликка учраган ва йўлланмадан қуруқ қолган эди.