Испанияда гол ураётган Роналду Англияда тарихий рекорд ўрнатди

Британиянинг машҳур FourFourTwo нашри Англия премьер-лигасида тўп сурган барча хорижлик футболчилар фаолиятини таҳлил қилиб, энг зўр легионерлар рейтингини тузди.

Ушбу рейтингда биринчи ўрин 2003-2009 йиллар давомида "Манчестер Юнайтед" шарафини ҳимоя қилган португалиялик футболчи Криштиану Роналдуга насиб қилди. Айни пайтда "Реал"да ўйнаётган Криштиану АПЛдаги фаолияти давомида беш марта Англия чемпиони, Европа чемпионалар лигаси ғолиби ва илк бор "Олтин тўп" соҳиби бўлган.

Рейтингнинг иккинчи поғонасини "Арсенал"нинг франциялик афсонавий ҳужумчиси Тьерри Анри эгаллади.

Яна франциялик футболчи - "Манчестер Юнайтед"да порлаган Эрик Кантона кучли учликдан жой олди.

Энг кучли легионерлар ўнлигидан қуйидаги футболчилар ҳам жой олди:

Денис Беркамп, "Арсенал"

Дидье Дрогба, "Челси"

Серхио Агуэро, "Манчестер Сити"

Жанфранко Дзола, "Челси"

Патрик Виейра, "Арсенал"

Петер Шмейхель, "Манчестер Юнайтед"

Давид Жинола, "Ньюкасл"

Бу футболчилар орасида фақатгина Серхио Агуэро ҳамон Англия премьер-лигасида тўп сурмоқда. 

SPORTS.uz

Фикрлар

Фикр қолдириш учун авторизациядан ўтинг!