Испанияни Мундиалда кимлар ҳимоя қилади?  

 “Қизил Фурия” Россияда бўлиб ўтадиган Мундиалда фаворитлар орасида, боиси Хуан Лопетеги қўли остида бир қатор истеъдод эгалари тўпланган. Аммо 23 кишилик якуний рўйхатдан кимлар ўрин олади? Goal нашри бу борада ўз фикрлари билан ўртоқлашди.

Испания айни вақтда спорт формасида бўлиб турибди. Март ойининг охирида Аргентинани 6-1 ҳисобида “янчиб ташлаган” Лопетеги шогирдлари 18 ўйиндан бери мағлубиятга учрамай келмоқда.

2008 ва 2012-йилги Европа, 2010-йилги Жаҳон чемпионлари сўнгги икки йирик мусобақани барбод қилганди. 2014-йилги Жаҳон Чемпионатида гуруҳда қолиб кетган бўлса, 2016-йилги “Евро”да нимчорак финалдаёқ ўз юришини тўхтатган эди.

Терма жамоа бош мураббийи Висенте Дель Боске қитъа биринчилигидан кейин истеъфога чиқишига тўғри келди. Лопетеги эса “Қизил Фурия”ни қабул қилиб олди ва Мундиалга жамоасини юқори кайфиятда бошлаб келди. Унинг шогирдлари “G” гуруҳида тўққиз ғалаба ва бир дуранг билан гуруҳни пешқадам сифатида якунлади.

Март ойида дастлаб Германияга қарши дуранг ва Аргентинани “ер тишлатгани”дан кейин басклик мутахассис енгилмас бўлиб қолмоқда. Бундай кўрсаткич билан улар сўзсиз Россияда бўлиб ўтадиган Мундиалнинг асосий фаворитларидан бири бўлиши кутилмоқда.

Қўли остида бир қатор иқтидорларни тўплаган Лопетегининг якуний рўйхатидан кимлар ўрин олади? Goal нашри бу борада мулоҳаза юритди.

“Кетмони учадиганлар”

“Манчестер Юнайтед” посбони сўзсиз биринчи рақамли бўлади. “Атлетик”нинг ёш дарвозабони Кепа Аррисабалага эса унга ўринбосар бўлиши кутилмоқда.

Ҳимоя марказини Серхио Рамос ва Жерар Пикелар ташкил қилиши барчага аён ҳолат. “Реал” ва “Барселона” етакчилари навбатдаги бор елкама-елка ватан шарафини ҳимоя қилиш учун бир томондан кураш олиб боради.

Қанот ҳимоясини ҳам яна “Реал” ва “Барселона” вакиллари – Дани Карвахаль ва Жорди Албалар эгаллаши кафолатланган.

“Барса” ярим ҳимоячиси Серхио Бускетс яқинда жароҳат олганига қарамай Россияга учадиган самолётгача сафга қайта олади. У бунга жамоадоши, клубдан кетадиган Андрес Иньестага ҳамроҳлик қилади. Каталонияликлар сардори ушбу мусобақадан кейин терма жамоадан ҳам кетишини маълум қилган.

Мадридликлар ярим ҳимояси етакчилари – Иско ва Марко Асенсиолар ҳам Лопетеги учун муҳим футболчилар ҳисобланади. Уларга “Манчестер Сити”дан Давид Сильва, “Бавария”дан Тьяго Алькантаралар келиб қўшилади. Уларга “Атлетико”дан Коке ва Сауль рақобатчилик қилиши эҳтимоли юқори.

Ҳужумда эса Диего Костанинг тушиши кафолатланган. Сабаби Лопетеги унга қаттиқ ишонч билдирмоқда. Айнан у Аргентинага қарши голлар шодасини очиб берган эди. Унинг якуний рўйхатга кириши аниқроқ бўлиб кўринмоқда.

Эҳтимолий захирада ўтирувчилар

Қария дарвозабон Пепе Рейна Испания билан ёзда бўлиб ўтадиган мусобақада иштирок этиши мумкин. Бу унинг профессионал фаолиятидаги сўнгги турнири бўлса керак.

Ҳимояда, “Челси” вакили Сезар Аспиликуэта ўнг қанот ёки марказий ҳимоячи вазифасида ўйнаши мумкин. Лопетеги “Реаль Сосьедад”дан Алваро Ориосолани ҳам таркибга қўшиши мумкин. Серхи Роберто эса ҳимояда бошқа бир вариантни туҳфа қилиши мумкин.

Шунингдек, испаниялик мураббий чап қанотда Начо Монреал ёки Маркос Алонсолардан бирини танлашига тўғри келади.

Ярим ҳимоядаги ўринлар тўлган бўлсада, Родри ва Дани Парехолар асосий таркибдагилардан бирортаси жароҳат оладиган тақдирда уларнинг ўрнини эгаллаши мумкин.

Ҳужумда эса “Валенсия”нинг бошқа бир вакили Родриго мартда Германияга қарши ўйинда ажойиб голи билан ёдда қолганди.

Лукас Васкес ва Яго Аспаслар ҳам мартдаги ўйинларда ўзини кўрсатишган эди ва уларда ҳам Россияга учиш учун ажойиб имконият ҳосил қилган.

Эркинжон Ғайбуллаев тайёрлади