Клопп: Мураббийлик ўриндиғида ўлишни истамайман

Англиянинг “Ливерпуль” клуби бош мураббийи Юрген Клопп ўз келажаги ҳақида тўхталиб ўтди.

“Балким мен бошқа мураббийлардан кўра фаолиятимни эртароқ якунласам керак. Мени мураббийлик ўриндиғида ўлиш ниятим йўқ. “Ливерпул”дан кетганимдан сўнг албатта бир йиллик танаффус қиламан. Бу менинг оилам учун ҳам энг тўғри қарор бўлади.

Майнц ва Дортмундда ҳаётимнинг энг ажойиб лаҳзалари кечган. Тез орада у ерларга қайтаман. Лекин, мураббий сифатида эмас”, - дейди Клопп.

Маълумот учун, Клопп 2015 йилдан буён “Ливерпул”ни бошқариб бормоқда.