Конте: Венгерни бутун футбол олами ҳурмат қилса арзийди

Лондоннинг “Челси” клуби бош мураббийи Антонио Конте “Арсенал” бош мураббийи Арсен Венгернинг ёзда жамоани тарк этиши борасидаги қарорига ўз муносабатини билдирди.

“Ўйлашимча, барчамиз Венгерга унинг “Арсенал”даги ажойиб фаолияти учун  катта ҳурмат бажо келтиришимиз керак. У ва Фергюсон ўз жамоаларида узоқ вақт  ишлашган. “Арсенал”да 22 йил ишлаш – бу жуда ғаройиб.

Арсен нафақат “Арсенал” мухлисларидан, балки, бутун футбол жамоатчилиги томонидан ҳам ҳурмат қилса арзийдиган инсон. Келажакда қайси мураббий Венгер ва Фергюсон каби узоқ вақт бир жамоада ишлашини тасаввур ҳам қилолмайман. Шахсан мен ўзимни 22 йил бир жамоада ишлашимни тасаввур қилолмайман”, – деб айтиб ўтди Конте.