Левандовски Бундеслигада рекорд ўрнатди

Мюнхеннинг “Бавария” клуби ҳужумчиси Роберт Левандовски кеча Бундеслиганинг 31-туридан ўрин олган “Ганновер”га (3:0) қарши баҳсда ўз номига гол ёздириб қўйишга эришди.

Эътиборлиси, шу тариқа ўзининг Бундеслигадаги голлари сонини 105тага етказиб олган польшалик футболчи ушбу мусобақада бир жамоа таркибида энг кўп гол урган легионерга айланди.

Қайд этиш лозимки, бу борадаги аввалги рекорд “Вердер” ҳужумчиси Клаудио Писаррога тегишли эди. Перулик футболчи ушбу жамоа таркибида 104та гол киритишга муваффақ бўлган.