“Ман Сити” чемпион бўлгани учун “Ливерпуль”га пул тўлайди

2015 йилда “Ливерпуль”дан Рахим Стерлингни харид қилган “Манчестер Сити” трансфер шартларига кўра АПЛ чемпионлигини расмийлаштирган “қизиллар”га пул ўтказиб бериши лозим.

The Times нашрининг хабар беришича, томонларнинг келишувига кўра, “Сити” Англия чемпиони бўлган тақдирда  “Ливерпуль”га 1,2 миллион фунт тўлаши керак.  “Шаҳарликлар” АПЛ якунланишига 5 тур қолганида мамлакат чемпионлигини қўлга киритди.

Жорий мавсумда Стерлинг “Сити” сафидаги барча мусобақаларда 42 ўйинда майдонга тушиб, 22 та гол ва 14 та голли пасга муаллифлик қилди.