"Манчестер Сити" дарвозабони пенальти тепмоқчи

«Манчестер Сити» клуби дарвозабони Эдерсон Мораес Англия премьер-лигасида гол уриш истаги борлигини айтиб ўтди.

“Мухлислар “Суонси”га (5:0) қарши баҳсдаги пенальтини мен тепишимни сўраб ҳайқира бошлашди, лекин нуқтага Габриэл Жезус келди. У гол ура олмади, лекин Бернарду Силва қайтган тўпга аниқ зарба берди. Агар ўша пайт мураббий мени тепишимни айтганида, мен аниқ гол урар эдим.

Менга стандартларни беришмаса керак. Лекин пенальтини яхши тепаман. “Манчестер Сити”да пенальтиларни тепадиган футболчилар рўйхати бор. Аммо, Пеп мендан тепишни сўраса, мен бунга тайёрман. Умид қиламанки бу орзуим мавсум якунига қадар амалга ошади. Мен гол уришни истайман”, - дейди бразилиялик посбон.

Фикрлар

Фикр қолдириш учун авторизациядан ўтинг!