Маркос Алонсо 3та ўйинга четлатилиши мумкин

Лондоннинг “Челси” клуби ҳимоячиси Маркос Алонсо бир нечта ўйинга дисквалификация қилиниши мумкин. Бу ҳақда Англия футбол ассоциацияси расмий сайти хабар бермоқда.

Испаниялик футболчи АПЛнинг 34-турида "Саутгемптон"га (3:2) қарши кечган баҳсда рақиб ҳужумчиси Шейн Лонгга нисбатан ўта қўпол ўйин намойиш этишда айбланмоқда. Алонсо бунинг ортидан 3та ўйинга четлатилиши мумкин. У эртага оқшомга қадар ўз айбига иқрор бўлиши керак.

Агар ФА уни жазолайдиган бўлса “Челси”нинг етакчи футболчиси премьер-лиганинг "Бёрнли" ва "Суонси"га қарши ҳамда Англия кубогидан ўрин олган "Саутгемптон"га қарши баҳсларни ўтказиб юборади.

Маълумоту учун, Испания терма жамоаси аъзоси жорий мавсум “аристократлар” сафида жами 47та ўйинда майдонга тушиб, ўз ҳисобига 7та гол ҳамда 4та голли узатма ёздириб қўйишга эришган.