Маскерано фаолиятини якунлаш ҳақида ўйламоқда

Хитойнинг "Хэбэй Чайна Форчун" клуби ва Аргентина терма жамоаси ҳимоячиси Хавьер Маскерано футболчилик фаолиятини якунлаш ҳақида ўйламоқда.

TyC Sports тарқатган хабарга кўра 33 ёшли футболчи жорий йил сўнггида, аниқроғи Осиёда футбол мавсуми якунлангач бу қарорини эълон қилмоқчи.

Эслатиб ўтиш лозимки, Маскерано фаолияти давомида "Ривер Плейт", "Коринтианс", "Вест Хэм", "Ливерпуль" ва "Барселона" каби жамоаларда тўп сурган.