"Милан" Феллайнига уч йиллик шартнома таклиф қилмоқда

Италиянинг "Милан" клуби "Манчестер Юнайтед" ярим ҳимоячиси Маруан Феллайнига жиддий қизиқиш билдира бошлади. Бу ҳақда Football Italia нашри хабар бермоқда.

Юқоридаги манбаанинг ёзишича миланликлар 30 ёшли бельгиялик футболчига уч йиллик шартнома таклиф қилишмоқда. Ёзда Феллайнининг МЮ билан шартномаси ўз якунига етади ва “Милан” уни эркин агент сифатида текинга ўз сафига қўшиб олиши мумкин.

Маълумот учун, Феллайни жорий мавсум "Манчестер Юнайтед" сафида жами 23та учрашувда майдонга тушган ва ўз ҳисобига 5та гол ёздириб қўйишга эришган.