Моуриньонинг танқидларига учраган Шоу қўшимча равишда шуғилланмоқчи

Англиянинг "Манчестер Юнайтед" клуби ҳимоячиси Люк Шоу энди бундан буён қўшимча тарзда машғулотлар ўтказади. Бу ҳақда Manchester Evening News хабар бермоқда.

Унга кўра 22 ёшли англиялик футболчи жамоа бош мураббийи Жозе Моуриньо томонидан билдирилаётган танқидларга жавобан ўз устида янада кўпроқ ишлашга қарор қилган. Эслатиб ўтиш лозимки, бундан аввалроқ Шоу ёзда манкуанликлар сафидан кетиши ҳақида хабарлар тарқалган эди.

Маълумот учун, бу мавсум жуда кам ўйин амалиётига эга бўлаётган Шоу ҳозирча бор йўғи 13та баҳсда иштирок этган ҳолос.