Мхитарян кетма-кет 7-марта Арманистоннинг энг яхши футболчиси деб топилди

Лондоннинг “Арсенал” клуби ярим ҳимоячиси Генрих Мхитарян якунланган 2017 йилда Арманистоннинг энг яхши футболчиси деб топилди.

Эътиборлиси, 29 ёшли футболчи ушбу номга кетма-кет 7-марта сазовор бўлмоқда.

Эслатиб ўтамиз, Мхитарян ўтган мавсум "Манчестер Юнайтед" сафида тўп сурган ва жамоасининг УЕФА Европа лигасида ғолиб чиқишига катта ёрдам берган эди.