Нўъмон Ҳасанов: "Насаф" яхши ўйин кўрсатди

Ҳозиргина Ўзбекистон Суперлигаси 7-туридан ўрин олган “Қўқон-1912” ҳамда “Насаф" жамоалари ўртасидаги баҳс ўз ниҳоясига етди.

Мазкур ўйинни стадиондан келиш учун “Марказий” ўйингоҳга келган мухлислар гол гувоҳи бўлишмади.

Беллашувдан сўнг матбуот анжумани бўлиб ўтди ва унда мезбонлар устози Нўъмон Ҳасанов иштирок этди. 

Нўъмон Ҳасанов: Бугунги баҳс жанговор руҳда ўтди. Шогирдларим бугунги беллашувда борларини бериб ҳаракат қилишди. Ўйинда дуранг қайд этилган бўлсада, шогирдларим ҳаракатларидан тўлиқ қониқдим.

Рақиб бугун асосан қарши ҳужумга таяниб ҳаракат қилди. “Насаф” билан ўйиндан дуранг биз учун қониқарли эмас. Биз ҳар бир учрашувда ғалаба қозонишни истаймиз.

Бугун барча футболчилар ўзларини кўрсатишди. Майдондаги бирорта футболчини алмаштиришга кўзим қиймади. Дарко Гожковични олдинда ўйнатганимни сабаби, биз гол уришни истадик. Биз ҳам ҳимояга кўпроқ эътибор бериб ўйнашимиз мумкин эди. Лекин мухлисларимизни хурсанд қилиш мақсадида ҳужумкор ўйнашни афзал билдик. Бугун биз "Насаф"га ўйнашга, ўзини кўрсатишга бермадик. 

Носир Отақўзиев ҳақида шуни айтаолманки, унинг ёши ўтиб қолди. Захирадаги ўйинчиларга кўпроқ эътибор қаратаман. Машғулотларда ўзини кўрсатган ўйинчиларнигина асосий таркибда майдонга тушираман.

Ўткир Юсупов: Бугунги ўйин қийин кечди. “Насаф” анча кучли жамоа. Улар бежизга “Локо”ни мағлубиятга учратишмаган. Мураббиймизнинг кўрсатмаларини тўлиқ бажарганимиз боис, ижобий натижа қайд эта олдик. Мухлисларимизга ўз миннатдорчилигимни билдираман.