Обамеянг: Венгерга нисбатан билдирилаётган танқидлар бироз ноўрин

Лондоннинг “Арсенал” клуби форварди Пьер-Эмерик Обамеянг жамоа бош мураббийи Арсен Венгерга нисбатан билдирилаётган аксарият танқидларни ноҳақлик деб айтди.

“Бу жуда оғир савол. Баъзан унга нисбатан айтилаётган гаплар ноҳақликдек туюлади.

Биз сўнгги ўйинларда яхши натижалар қайд эта бошладик ва мухлислар буни кўриб туришибди деган умиддаман”, - дейди габонлик футболчи.

Эслатиб ўтамиз, бундан аввалроқ бир қатор нашрлар Венгерни ёзда "канонирлар" бошқарувидан кетиши ҳақида хабарлар тарқатишаётган эди.